Diego Rey: “É o momento de gozar, facer as cousas ben e que sexa un gran día para todos”

7 de Xuño de 2018
  • O extremo lamentou a ocasión marrada o outro día, pero asegura que se pode dar a volta aínda que o primeiro gol chegue na segunda metade

Santiago de Compostela, a 7 de Xuño de 2018.

Diego Rey é un dos xogadores da SD Compostela que máis ten marcado o desconto do Estadi Olímpic. No minuto 90, xogada precedente ao segundo gol do Terrassa FC, o extremo lucense non foi capaz de aproveitar un remate franco desde a frontal. Esta xogada quedoulle gardada na mente e por iso espera desquitarse cun gol este próximo domingo.

“Pensei bastantes veces nela, porque pasamos do posible 1-1 ao 2-0. Foi unha xogada de mala sorte para portería, pero esperamos que esta semana teñamos máis e podamos sacar un bo resultado, que non é outro que pasar”, sinalou o lucense.

Como experto en eliminatorias deste tipo, Diego recoñeceu que non fai falta querer que entre o primeiro no primeiro minuto ou anotar os tres xuntos, senón ter paciencia. “Canto antes entre mellor, pero nas eliminatorias, aínda que marques no 60 ou 70 tes máis posibilidades, porque o rival ten máis medo a encaixar”, argumentou.

Para que chegue ese tanto, a clave pasa por “facer as cousas ben e que salga o que adestramos entre semana, porque se non hai sorte, polo menos ser capaces de lograr o resultado que nos meta na seguinte fase”.

Así, recoñece que non teñen nada que perder e se moito a gañar, como llo transmitiu o corpo técnico. “Temos un resultado bastante malo, polo que todo o que veña será bo. Debemos gozar, pensar que hai unha gran cantidade de xogadores que pagarían por xogar este encontro, confiar nas nosas posibilidades, aproveitar o ambiente espectacular de San Lázaro, xogar sen presión, facer as cousas ben e que sexa un gran día para todos”, analizou.

En canto ao rival, sorprendeulle gratamente no partido de ida, pero agarda que sufran nun campo como San Lázaro. “Non é un cuarto calquera, a liga catalá ten un nivel moi alto e en concreto este equipo sorprendeume moi gratamente. Hai que partir da base de que nos tivemos que adaptar ao seu campo, sen logralo, e agora son eles os que teñen que vir a San Lázaro, e aí nós xa temos ese aspecto boto”, recalcou.

Ademais, reafirmouse dicindo que en San Lázaro marcaron moitos goles, polo que as opcións pasar a eliminatoria son moitas, incluso encaixando un tanto. “Nos nosos últimos resultados en casa apenas encaixamos, polo que, se facemos as cousas ben, coa defensa que temos, traballando todos, eles van sufrir e temos grandes posibilidades, pero, aínda encaixando, temos algunha posibilidade”, explicou o extremo.

Por todo iso, o equipo ten a convicción, as ganas e a crenza de que poden pasar a eliminatoria e que lograrán un resultado que lles permita, polo menos, igualar o duelo. No aspecto persoal, vese en moi bo momento e espera ter a oportunidade o domingo en San Lázaro para axudar ao Compos a pasar á seguinte fase.

Youtube

Instagram Compos

Flickr Amadeo Rey

  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1

Instagram Canteira

Twitter Canteira

Facebook

1 day ago

SD Compostela
⌚️ Abril comezará cun derbi para os nosos en terras viguesas ⚽️ X30🆚 CORUXO F.C. 🗓️ 07.04.24⏰ 12.00🏟️ O Vao#CoruxoCompos ... See MoreSee Less
Ver en Facebook

2 days ago

SD Compostela
🎙️ 𝐑𝐝𝐏 | Antón Permuy e Samu🗣️ O adestrador e capitán da SD Compostela analizaron o momento do equipo e o duelo ante o CD Guijuelo do domingo📸 Acompañounos Mónica Pereiro, da Clínica & akt, patrocinadora do encontro#ComposGuijuelo ... See MoreSee Less
Ver en Facebook

3 days ago

SD Compostela
🤝 Roque e Escoruela tiveron a pasada semana un encontro con 220 alumnos do CPI Colexio Nosa Señora do Rosario de Arzúa🩵🤍 Na visita, enmarcada nas actividades de promoción do deporte do noso patrocinador Proxecto Touro - Cobre San Rafael, entregaron invitacións para o duelo contra o CD Guijuelo e tiveron unha entretida charla cos cativos#composguijuelo ... See MoreSee Less
Ver en Facebook

3 days ago

SD Compostela
𝐏𝐀𝐑𝐓𝐄 𝐌É𝐃𝐈𝐂𝐎 👉 Euse foi operado onte da súa rotura do ligamento cruzado anterior do xeonllo dereito💪 Moito ánimo, Euse! Volverás máis forte, estamos seguros! Un día menos para volver! ... See MoreSee Less
Ver en Facebook

4 days ago

SD Compostela
Hoxe está de aniversario Juampa 🩵🤍🎂 Moitos parabéns! Oxalá que veña acompañado este domingo desa vitoria tan necesaria que todos estamos desexando! 🙌 ... See MoreSee Less
Ver en Facebook

All contents © copyright SD Compostela. All rights reserved.