Xogadores e corpo técnico do Compos dan negativo nos test

Os nosos saudándose antes de realizar as probas.
  • Os nosos pasaron as probas esta mañá na sede da Federación no Vero Boquete
  • O club agradece á RFEF e Futgal a seguridade e o trato recibido durante a realización dos test

Santiago de Compostela, a 6 de Xuño de 2020.

Os xogadores, corpo técnico, persoal médico e encargados de material da SD Compostela deron negativo nos test da covid-19. Os nosos realizaron esta mañá as probas na sede da Real Federación Galega de Fútbol no Estadio Verónica Boquete de San Lázaro, coñecendo as resultados horas máis tarde.

Os primeiros en pasar a proba foron os membros do corpo técnico ás 9.00 horas. A seguir, por grupos de seis e sete futbolistas, os branquiazuis foron someténdose aos controis dos doutores, concluíndo ás 11.30 horas.

Unha vez coñecidos os resultados, o club mostra a súa satisfacción por saber que todos están ben e que poderán iniciar os adestramentos este luns. 

Ao mesmo tempo, a SD Compostela agradece á Real Federación Española de Fútbol e á Real Federación Galega de Fútbol a seguridade, facilidade e coordinación na realización dos test, así como a dilixencia coa que levaron a cabo e o gran trato recibido durante a matinal.

Compartir en Redes Sociales

Relacionado