Visita ao Municipal en boa dinámica

16 de Setembro de 2016

[cs_video column_size=”1/1″ video_url=”https://youtu.be/vUyD_IrLOds” video_width=”500″ video_height=”250″][/cs_video]

  • O domingo ás 12:00 a SD Compostela xogará contra o recentemente ascendido CD Castro.
  • Yago Iglesias: “Estamos “obrigados” a conseguir os tres puntos, pero co nome non se consegue nada”.

Santiago de Compostela, ao 17 de setembro de 2016.

A seguir coa carrerilla. O Compos leva tres xornadas consecutivas puntuando, sete puntos de nove posibles, unha boa dinámica que pretende manter na súa visita deste domingo ao Municipal de Castro.

Ás 12 da mañá, a SD enfrontarase a un dos equipos que ascendeu a Terceira División este ano. Un conxunto que leva catro puntos nas catro primeiras xornadas e que está cargado de xente experimentada, con coñecemento da categoría.

Un rival cuxo obxectivo será pelexar pola salvación, pero ante o que non vale relaxarse, e menos no seu campo, onde aproveitan moi ben as condicións do mesmo.

“As dimensións do terreo son moi distintas ás nosas e aproveitan moito as accións a balón parado. Teñen un sacador moi bo, Xaime, que leva varios anos competindo en Terceira e noutras categorías, e tamén moi bos rematadores, xente grande”, asegura Yago Iglesias.

Por iso, “seguramente nos teñamos que empregar máis que noutros partidos para conseguir os tres puntos. Estar moi ben a nivel mental, porque nun campo pequeno pódenche facer ocasións case da nada”, afirma.

Sabe da dificultade da fazaña, máis se cabe tras o encontro contra o Céltiga, pero iso si, asume a responsabilidade da SD. Non rexeita o favoritismo do Compos e tentará sempre que o equipo leve o control do choque.

“En teoría, o do Castro, é dos campos sinxelos da categoría. Estamos “obrigados” a conseguir os tres puntos, pero co nome non se consegue nada. Veremos os acenos de identidade do Compostela, aínda que iso si, é un escenario e un partido distinto ao da semana pasada”, comenta o técnico.

Ante estas circunstancias, Yago expoñerá algúns cambios no once, xogadores que se adapten mellor ao que quere e ao rival, aínda que nunca será unha revolución completa. “Pode haber rotacións, pero non como as do Barça da semana pasada. O groso do plantel é dun perfil, pero temos algún xogador que nos pode achegar outras cousas e quizais este partido sexa un dos propicios para facer dous ou tres cambios”.

O que está claro é que un deles non será Cardeñosa, que “unha semana máis é a única baixa”, aínda que “está a evolucionar moi ben, avanzando moi rápido da lesión”.

Con Cardeñosa ou sen el, un pensamento invade a todos os xogadores e ao corpo técnico. “Sería idílico gañar o domingo, conseguir os tres puntos fóra de casa porque afianzaría aínda máis o que conseguimos nas tres últimas xornadas. Sería sumar unha xornada máis sen perder e tres puntos para terminar de coller esa confianza”, conclúe.

Youtube

Instagram Compos

Flickr Amadeo Rey

  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1

Instagram Canteira

Twitter Canteira

Facebook

3 hours ago

SD Compostela
⌚️ Abril comezará cun derbi para os nosos en terras viguesas ⚽️ X30🆚 CORUXO F.C. 🗓️ 07.04.24⏰ 12.00🏟️ O Vao#CoruxoCompos ... See MoreSee Less
Ver en Facebook

24 hours ago

SD Compostela
🎙️ 𝐑𝐝𝐏 | Antón Permuy e Samu🗣️ O adestrador e capitán da SD Compostela analizaron o momento do equipo e o duelo ante o CD Guijuelo do domingo📸 Acompañounos Mónica Pereiro, da Clínica & akt, patrocinadora do encontro#ComposGuijuelo ... See MoreSee Less
Ver en Facebook

2 days ago

SD Compostela
🤝 Roque e Escoruela tiveron a pasada semana un encontro con 220 alumnos do CPI Colexio Nosa Señora do Rosario de Arzúa🩵🤍 Na visita, enmarcada nas actividades de promoción do deporte do noso patrocinador Proxecto Touro - Cobre San Rafael, entregaron invitacións para o duelo contra o CD Guijuelo e tiveron unha entretida charla cos cativos#composguijuelo ... See MoreSee Less
Ver en Facebook

2 days ago

SD Compostela
𝐏𝐀𝐑𝐓𝐄 𝐌É𝐃𝐈𝐂𝐎 👉 Euse foi operado onte da súa rotura do ligamento cruzado anterior do xeonllo dereito💪 Moito ánimo, Euse! Volverás máis forte, estamos seguros! Un día menos para volver! ... See MoreSee Less
Ver en Facebook

3 days ago

SD Compostela
Hoxe está de aniversario Juampa 🩵🤍🎂 Moitos parabéns! Oxalá que veña acompañado este domingo desa vitoria tan necesaria que todos estamos desexando! 🙌 ... See MoreSee Less
Ver en Facebook

All contents © copyright SD Compostela. All rights reserved.