-
O Benxamín A e o Prebenxamín B acaban de primeiros os seus playoffs
Santiago de Compostela a 15 de abril de 2019.
A xornada das categorías inferiores da SD Compostela deixou un total de cinco triunfos, catro nos equipos de fútbol 11, e un máis do invicto Prebenxamín B. Este último, xunto ao Benxamín A, que empatou ante as Escolas Deportivas de Vedra, acaban os seus respectivos playoff no primeiro posto.
En primeiro lugar, o Zona Vella perdeu por segunda semana consecutiva, esta vez, por 2-0 na súa visita ao Cruces. Os locais marcaron ambos tantos de maneira consecutiva na última media hora, imposibilitando calquera reacción do filial.
Na base, o Xuvenil B conquistou unha clara vitoria (3-7) na súa visita ao Unión. Os branquiazuis seguen oitavos, malia que con opcións de entrar na promoción de ascenso, logo de lograr os tres puntos co hat trick de Marcos Andrade, o dobrete de Raúl García e os goles de Diego Montes e Diego López.
Un novo dobrete dos cadetes ampliou a boa dinámica de ambos conxuntos. O A, que segue de líder e restando semanas para proclamarse campión, superou ao EF Lalín por 4-0. Uxío Figueroa, Anxo Ferro, Andel Laranga e Hugo Pérez marcaron os tantos do dominador equipo branquiazul. Pola súa banda, o B conseguiu unha gran vitoria por 1-5 na súa visita ao Cruces e subiu ao quinto posto da táboa. Alejandro Parga abriu o marcador, Antón López ampliou distancias co seu dobrete, mentres que Zubo Yang e Iago Fernández pecharon a goleada nos últimos instantes.
Tamén cultivou un importante triunfo o Infantil A, capaz de superar ao Cordeiro por 3-0. Os branquiazuis ascenden na clasificación mercé a un gran partido no que Alejandro Suárez abriu a conta goleadora no primeiro minuto, pechada por Rubén Sande na segunda cun dobrete. Con menos sorte debutou o Alevín no fútbol 11, xa que caeu pola mínima (2-3) contra o Victoria FC.
En fútbol 8, o Benxamín A empatou ante as Escolas Deportivas de Vedra, asegurando a falta dunha cita o liderado do playoff de descenso. Mentres tanto, o Prebenxamín A pechou a segunda fase da liga con derrota ante o Amio, contrastando co triunfo do Prebenxamín B, que acabou como primeiro e con pleno de 30 puntos.
Por último, o Biberón de Fútbol sala empatou co Calo na ida dos oitavos de Copa, mentres que o de Fútbol 8 perdeu contra o Conxo.
