Tres alicerces defensivos presentados en Sisrecon

16 de Agosto de 2018
De esquerda a dereita: Álvaro Casas, Javier García, Saro e David Uña.
De esquerda a dereita: Álvaro Casas, Javier García, Saro e David Uña.
  • Álvaro Casas, Saro e David Uña seguirán defendendo a retagarda branquiazul

Santiago de Compostela, a 16 de Agosto de 2018.

Álvaro Casas, Saro e David Uña foron na última tempada tres dos alicerces defensivos da SD Compostela. Contaron cun gran protagonismo dentro dos esquemas de Yago Iglesias e coa súa firma por un ano máis queren seguir portando ese papel na zaga branquiazul.

En pleno proceso de aclimatamento de cara ao comezo ligueiro, os defensas foron presentados na sede de Sisrecon, entidade que renova tamén o seu compromiso co club, acompañados por Javier García, vicepresidente do Compos e xerente da empresa de pavimentos fundada en 1995.

Os tres xogadores branquiazuis expresaron a súa máxima ilusión por este novo ano no que esperan seguir a liña do curso pasado, co obxectivo a longo prazo de meterse, de novo, no playoff de ascenso.

O primeiro en falar foi un Álvaro Casas que na súa segunda tempada formará parte dos capitáns do equipo. “Agradezo ao vestiario que me elixiran, pero ao final será o mesmo, hai moitos líderes dentro do vestiario e non fai falta portar o brazalete para selo”, confesa.

En canto ao grupo, asegura que se foron xogadores importantes, aos que agradece o seu traballo polo equipo, pero agora “hai que centrarse nos que chegan novos, integralos e formar outro gran grupo, que creo que xa o hai, porque seguimos moitos e os que chegaron son boa xente”.

Dun deles, Piscu, co que compartirá posición agarda “aprender moito, porque xogou en Primeira División e no fútbol profesional moitos anos”, malia que non se pecha só a xogar nese posto, senón onde o queira o adestrador.

Pola súa banda, no carril dereito, Saro tentará seguir contando con moito protagonismo, malia que sabe do nivel de Sergio Pereira. “O que xogue farao ben seguro e témonos que apoiar entre os dous”, comenta.

A pesar de que as vacacións foron moi curtas e o golpe final moi duro, afrontan a pretempada con pilas cargadas e con moita ilusión. “Non tivemos moito tempo para descansar, pero afrontamos a tempada coa ilusión de volver clasificarnos para o playoff e este cansazo que temos ao principio, desaparecerá aos poucos ao coller a forma”, argumenta.

Para esta nova tempada, subliña que tentarán mellorar certos aspectos que non se lles daban tan ben, pese a que seguirán coa mesma liña de xogo. Nela, os novos “achegarán moitas ganas, porque queren demostrar, e iso contaxia ao resto e axuda a lograr os obxectivos marcados”, resume.

Por último, David Uña, quen se considera case un galego máis tras iniciar o seu terceiro curso en Santiago, séntese moi agradecido polas mostras de agarimo que recibe, considerando estar moi ben acollido tanto polo club como pola afección.

“Sorpréndeme porque son o único de fóra xunto a Aythami, pero o agarimo que me colleron creo que mo gañei co traballo no campo e agradézollo á afección”, remarca.

En canto á liga, que considera que será moi bonita, a clave estará “en ir partido a partido, porque non podes mirar máis lonxe que cada xornada”. Co obxectivo a longo prazo de meterse no playoff, a nivel persoal “traballarei para o equipo para conseguir todo o que o mundo quere, meterse no playoff e loitar polo ascenso”, conclúe.

Youtube

Instagram Compos

Flickr Amadeo Rey

  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1

Instagram Canteira

Twitter Canteira

Facebook

8 hours ago

SD Compostela
⌚️ Abril comezará cun derbi para os nosos en terras viguesas ⚽️ X30🆚 CORUXO F.C. 🗓️ 07.04.24⏰ 12.00🏟️ O Vao#CoruxoCompos ... See MoreSee Less
Ver en Facebook

1 day ago

SD Compostela
🎙️ 𝐑𝐝𝐏 | Antón Permuy e Samu🗣️ O adestrador e capitán da SD Compostela analizaron o momento do equipo e o duelo ante o CD Guijuelo do domingo📸 Acompañounos Mónica Pereiro, da Clínica & akt, patrocinadora do encontro#ComposGuijuelo ... See MoreSee Less
Ver en Facebook

2 days ago

SD Compostela
🤝 Roque e Escoruela tiveron a pasada semana un encontro con 220 alumnos do CPI Colexio Nosa Señora do Rosario de Arzúa🩵🤍 Na visita, enmarcada nas actividades de promoción do deporte do noso patrocinador Proxecto Touro - Cobre San Rafael, entregaron invitacións para o duelo contra o CD Guijuelo e tiveron unha entretida charla cos cativos#composguijuelo ... See MoreSee Less
Ver en Facebook

2 days ago

SD Compostela
𝐏𝐀𝐑𝐓𝐄 𝐌É𝐃𝐈𝐂𝐎 👉 Euse foi operado onte da súa rotura do ligamento cruzado anterior do xeonllo dereito💪 Moito ánimo, Euse! Volverás máis forte, estamos seguros! Un día menos para volver! ... See MoreSee Less
Ver en Facebook

3 days ago

SD Compostela
Hoxe está de aniversario Juampa 🩵🤍🎂 Moitos parabéns! Oxalá que veña acompañado este domingo desa vitoria tan necesaria que todos estamos desexando! 🙌 ... See MoreSee Less
Ver en Facebook

All contents © copyright SD Compostela. All rights reserved.