Samu, Campión de España con Galicia

A Selección celebrando o título en Madrid.
  • O mediocentro foi titular en ambos partidos da Fase Final

Santiago de Compostela, a 11 de Marzo de 2020.

A Selección Galega UEFA logrou o seu obxectivo, é Campioa de España e con ela todos os xogadores branquiazuis que participaron durante estes meses co combinado autonómico. Nesta Fase Final, o noso capitán Samu Rodríguez foi o noso estilete en Madrid, disputando 60 e 90 minutos, respectivamente, nos triunfos contra Baleares (semifinais) e Andalucía (final).

O mediocentro de Bembibre foi un estandarte no centro do campo de Iván Cancela, acompañando a Diego Uzal na zona de creación galega. Por iso, foi un fixo nas convocatorias e en todos os encontros da selección.

Con todo, a pesar de non estar presentes nesta Fase Final de Madrid, este gran logro tamén foi posible grazas á colaboración doutros tres xogadores da SD Compostela. Miki, Josiño e Brais Abelenda participaron nos adestramentos e xogaron nas anteriores fases, nas que Galicia foi armando o seu camiño ao título.

Precisamente, no caso de Miki e Brais non puideron estar presentes estes días en Madrid por senllas lesións, xa que estaban na convocatoria final do técnico galego.

Por todo iso, queremos mandar o noso máis sincero parabén a todos eles, así como a todos os integrantes da Selección e á Federación Galega de Fútbol.

Samu, recordando aos seus compañeiros de equipo que non pudieron estar en Madrid.
Compartir en Redes Sociales

Relacionado