Rati dirixirá ao Xuvenil A por terceira tempada consecutiva

Dende a esquerda: Carlos Fernández, Manuel Antelo, Dani Pérez, Rati e Borja Collar.

  • Estará acompañado, nesta nova campaña en División de Honra, por Borja Collar, Dani Pérez, Carlos Fernández e Manuel Antelo

Santiago de Compostela, 3 de agosto de 2022

José Miguéns ‘Rati’ seguirá á fronte do Xuvenil A da SD Compostela por terceira tempada consecutiva. Competindo un ano máis na División de Honra, tras conseguir unha histórica permanencia, os nosos buscarán asentarse na máxima categoría nacional a partir de manter unha liña continuísta no seu corpo técnico.

Desta maneira, o técnico de Rianxo, artífice do ascenso a División de Honra, na súa primeira tempada, e da permanencia con moita antelación, na segunda, seguirá liderando ao conxunto insignia da base branquiazul, competindo contra as mellores canteiras do fútbol galego, asturiano e cántabro, fomentando ademais o crecemento deportivo dos futbolistas.

Acompañándoo nesta nova campaña estarán Borja Collar, gran coñecedor da casa, como segundo adestrador; Dani Pérez, un ano máis como adestrador de porteiros; o coach e psicólogo deportivo Carlos Fernández, na área de psicoloxía; e o omnipresente Manuel Antelo, como delegado do equipo.

Compartir en Redes Sociales

Relacionado