Pablo Antas, o guía para o camiño á Segunda B

8 de Xullo de 2019

Pablo-Antas-Twitter

  • O mediocentro lucense procede do Rápido de Bouzas e firma por unha tempada

Santiago de Compostela, a 8 de Xullo de 2019.

A SD Compostela 2019/20 xa ten ao mediocentro que anhelaba. Pablo Antas Pereiro (15/10/1990) será o guía do equipo para o camiño á Segunda División B, despois de asinar por unha tempada procedente do Rápido de Bouzas. O lucense cumprirá así o seu quinto curso na categoría, aos que engade outros seis na división de bronce.

Coa súa incorporación, o Compos adquire a un xogador de calidade, cunha gran visión de xogo e con capacidade para manexar e/ou marcar o ritmo dos partidos; polivalente, xa que pode actuar tanto de medio organizador como de mediapunta; e cunha dilatada experiencia no fútbol galego, tanto en Terceira, na que acumula 132 encontros, como en Segunda B, con 129 partidos.

A carreira futbolística de Antas iniciouse, precisamente, no grupo 1 da división de bronce nacional, enrolado nas filas do CD Lugo. Tras acabar a súa etapa como xuvenil, chamou a atención do técnico Quique Setién, quen o fixo debutar co primeiro equipo na campaña 2009/10. Alí estaría dous anos, participando en doce e vinte encontros respectivamente, nos que foi partícipe do título ligueiro.

Con todo, ao curso seguinte, ficha polo Ordes de Terceira, disputando 34 duelos e anotando catro goles. Dos verdes pasou ao Cerceda, conxunto no que xoga 28 partidos e marca un gol, e de aí ao Somozas, no que gaña a liga e volve vivir un novo salto de categoría, esta vez a Segunda B. No cadro de ferrolterra convértese no temón do equipo despois de intervir en 36 encontros, nos que ademais celebra seis goles, catro deles na fase de ascenso, cun dobrete na eliminatoria decisiva ante o Tenerife B.

Tras lograr este fito, Antas quedou cos franxiverdes durante as tres campañas que disputou na nova categoría. Acompañado na medular por Roberto Baleato, co que volverá coincidir, foi peza chave dos logros do equipo, con dúas permanencias moi meritorias, nas que terminaron en décima posición, na primeira tempada, e en oitava, na segunda. En total, xogou 73 partidos, 55 como titular, nos que asinou oito tantos.

Despois do descenso, fichou, acompañado tamén por Baleato, no Bergantiños, cos que logrou o subcampionato de Terceira, tras disputar 38 encontros, playoff incluído, e marcar sete goles. A pesar de caer na primeira eliminatoria, Antas si volveu á división superior, xunto ao seu compañeiro Rodri Alonso, ao asinar co Rápido de Bouzas, co que participou en 24 duelos, 19 saíndo de inicio, e materializou unha diana.

Consolidado por esta enorme traxectoria, o Compos faise co guía desexado para o camiño de retorno á Segunda B, asinando ao décimo sétimo xogador para a tempada que se inicia en sete días. Forman parte dela, ademais de Pablo Antas, Álvaro Casas, Álvaro Naveira, Alberto Freire, Anxo Pérez, Brais Abelenda, Gabri Palmás, Hugo Sanmartín, Jorge Queiruga, Josiño, Miki, Mon, Roberto Baleato, Rodri Alonso, Samu, Saro e Sergio Pereira.

Youtube

Instagram Compos

Flickr Amadeo Rey

  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1

Instagram Canteira

Twitter Canteira

Facebook

4 hours ago

SD Compostela
⌚️ Abril comezará cun derbi para os nosos en terras viguesas ⚽️ X30🆚 CORUXO F.C. 🗓️ 07.04.24⏰ 12.00🏟️ O Vao#CoruxoCompos ... See MoreSee Less
Ver en Facebook

1 day ago

SD Compostela
🎙️ 𝐑𝐝𝐏 | Antón Permuy e Samu🗣️ O adestrador e capitán da SD Compostela analizaron o momento do equipo e o duelo ante o CD Guijuelo do domingo📸 Acompañounos Mónica Pereiro, da Clínica & akt, patrocinadora do encontro#ComposGuijuelo ... See MoreSee Less
Ver en Facebook

2 days ago

SD Compostela
🤝 Roque e Escoruela tiveron a pasada semana un encontro con 220 alumnos do CPI Colexio Nosa Señora do Rosario de Arzúa🩵🤍 Na visita, enmarcada nas actividades de promoción do deporte do noso patrocinador Proxecto Touro - Cobre San Rafael, entregaron invitacións para o duelo contra o CD Guijuelo e tiveron unha entretida charla cos cativos#composguijuelo ... See MoreSee Less
Ver en Facebook

2 days ago

SD Compostela
𝐏𝐀𝐑𝐓𝐄 𝐌É𝐃𝐈𝐂𝐎 👉 Euse foi operado onte da súa rotura do ligamento cruzado anterior do xeonllo dereito💪 Moito ánimo, Euse! Volverás máis forte, estamos seguros! Un día menos para volver! ... See MoreSee Less
Ver en Facebook

3 days ago

SD Compostela
Hoxe está de aniversario Juampa 🩵🤍🎂 Moitos parabéns! Oxalá que veña acompañado este domingo desa vitoria tan necesaria que todos estamos desexando! 🙌 ... See MoreSee Less
Ver en Facebook

All contents © copyright SD Compostela. All rights reserved.