O Celta B leva o sexto Memorial Antonio Bermúdez

  • O filial celeste superou por 0-1 a un gran Compos

Santiago de Compostela, 3 de agosto de 2022

O RC Celta B levou a sexta edición do Memorial Antonio Bermúdez tras superar á SD Compostela por 0-1. Un tanto de Iker Losada de falta, na segunda metade, marcou o segundo encontro de pretempada para os nosos, un duelo con máis ritmo, ocasións e mostrando unha gran imaxe ante un rival de superior categoría.

Nunha primeira metade moi igualada, o Compos tivo as súas opcións, especialmente nun incisivo Mario Rodríguez, na súa estrea como compostelanista. O atacante barcelonés tivo un disparo axustado ao poste e un libre indirecto que golpeou na barreira. Pola súa banda, o Celta B probouno cun man a man de Lautaro, sacado por Pato, e un penalti lanzado por Javi Gómez e que salvou o arqueiro uruguaio cunha gran estirada.

Xa na segunda, o duelo arrefriouse e baixou marchas, algo normal a estas alturas da tempada. Os minutos transcorrían con moitos cambios e sen apenas ocasións. Con todo, nunha falta no bordo da área, Iker Losada sacou un sensacional disparo que se coou pola escuadra.

Así, decidiuse a contenda para o bando celeste, nuns últimos minutos que deixaron a nota anecdótica da expulsión de Álvaro Casas. De este modo, o Celta B repite título, xa que tamén conseguira a cuarta edición do trofeo.

FICHA TÉCNICA:

SD COMPOSTELA: Pato Guillén, Roque, Álvaro Casas, Pablo Crespo, Martín, Samu, Fer Beltrán, Parapar, Mario Rodríguez, Cano e Santi de Prado. Tamén xogaron: Mario, Borja Rey, Yago, Romario, Dani Varela, Damián, Iker Carril, Ozores e Óscar Remuiñán.

RC CELTA DE VIGO B: César, Iván López, Yoel, Javier Rodríguez, Gael, Medrano, Damián, Víctor, Raúl Blanco, Javi Gómez e Lautaro. Tamén xogaron: Iker Losada, Tomhas, Barcia, Carlos Beitia, David Rey, Darío, Álex González, Sotelo, Hugo Álvarez e Santi Prado.

Goles: Iker Losada, min.77.

Incidencias: VI Memorial Antonio Bermúdez disputado no Estadio Verónica Boquete de San Lázaro.

Compartir en Redes Sociales

Relacionado