O C.D. Lealtad derrota á S.D. Compostela tras remontar na segunda parte

Lealtd slider

 Fotografía: Amadeo Rey

 

C.D. LEALTAD (3): Porrón, Keko-(Raúl Aguilar), Lobato, Omar, Alex Blanco, Mendi, Alex, Álvaro Muñiz-(Jorge)(1), Camochu (1), Pablo Espina, Pedro Beda-(Michel)

S.D. COMPOSTELA (1): Pato, Josu (1)(Jesús Varela)(propia meta), Jimmy, Sergio Sánchez, Catú, Javi Moreno, Goti, Marcos Rodríguez, Orbegozo-(Gerard Oliva), Dani Hernández-(Fondevila), Mon.

 

A S.D. Compostela tivo a oportunidade de levarse os tres puntos en liza do campo do Lealtad, pois o conxunto santiagués tíñao todo ao seu favor tras poñerse por diante no marcador no minuto 3 cun gol de Josu. O ourensano logrou adiantar á Esedé na primeira chegada ao área rival, cun remate axustado co interior desde o punto de penalti que sorprendeu ao porteiro local.

O gol tempranero outorgou confianza e tranquilidade aos de Iñaki Alonso, -hoxe dirixidos por Adrián Boo, tralo partido de sanción que tivo que cumprir o técnico do Compostela-.
Con desventaja no marcador, os locais intentaron levar a iniciativa do partido pero o Compostela non se encerrou. De feito, no minuto 16, Dani Hernández puido facer o segundo gol pero o seu remate de cabeza atopou a boa intervención de Porrón, o porteiro do Lealtad.

Nesta fase do partido, o conxunto local buscou o empate con constantes acometidas no área de Pato. Camochu foi o xogador máis incisivo no Lealtad; un rival que ata o momento non coñece a derrota na seu feudo.

O Compostela foise ao descanso con vantaxe no marcador pero na segunda parte o partido deu un xiro inesperado. O Lealtad apertaba e a Esedé comezou a ver condicionado o seu xogo polas amonestacións en forma de tarxeta amarela para Sergio, Mon e Marcos.

O empate dos asturianos chegou no minuto 65. Centro dende a banda dereita que atopa o remate certeiro e libre de marca de Jorge. O Compostela acusou o tanto e só dous minutos despois, encaixaba o segundo gol. O Lealtad lograba darlle a volta ao marcador en visto e non visto; demasiado premio para os méritos que ata entón fixeran os dous equipos.

Co marcador en contra, o Compostela intentou buscar a portería rival. No minuto 85, Gerard Oliva dispuxo da mellor ocasión para lograr o empate. O dianteiro da esedé fixo un bo control no área pero faltoulle rapidez á hora de definir.

O partido decidiuse definitivamente a favor dos locais no minuto 86. Un centro raso dende a banda dereita non atopou a intercepción de Pato e involuntariamente Jesús Varela, ao intentar despexar, mandou o balón á rede.

Logo desta derrota o Compostela céntrase nos tres derbis consecutivos que deberá afrontar. A próxima xornada o cadro Santiagués recibirá en San Lázaro ao Celta ‘B’, un rival directo e unha nova oportunidade de reivindicarse no seu campo.

 

Compartir en Redes Sociales

Relacionado