O Compos, campión galego da Copa Federación

5 de Setembro de 2019
Os nosos coa copa de campións. Foto: Amadeo Rey.
Os nosos coa copa de campións. Foto: Amadeo Rey.
  • Os nosos superaron ao Ourense nos penaltis e clasifícanse para a fase nacional

Santiago de Compostela, a 4 de setembro de 2019.

De novo, desde o once metros, a SD Compostela superou a final autonómica da Copa Federación. Os branquiazuis conquistaron o título galego logo de superar ao Ourense por 6-7 nos penaltis, tras empatar a tres tantos nos 120 minutos de xogo. Así, os nosos estarán no bombo nacional.

Miki e Rodri Alonso adiantaron ao Compos, neutralizando a vantaxe Renán, de penalti, e Adri Castro, levando o encontro á prórroga. Nela, volveu pórse por diante o Compos, cun tanto en propia porta, pero de novo marcou Adri Castro e foise á quenda fatídica, co resultado final coñecido.

Coa inercia da liga, o Compos saltou ao Campo de Baltar coma se fose a súa propia casa, sen complexos, e buscando dominar coa pelota. Pese ao vento en contra ao que se tivo tamén que enfrontar no primeiro acto, o equipo dirixido por Yago Iglesiou raseou a pelota e buscou o arco defendido por Diego García.

Así, as primeiras opcións para os nosos chegaron a través de accións desde as bandas, sendo a máis clara un centro de Miki que rematou Rodri Alonso e que salvou o porteiro na liña cunha gran estirada.

Con todo, e aproveitando os balóns que retrocedían pola forza de Eolo, o Ourense aumentou a presión e gozou da súa mellor opción nun disparo de Pedro Delgado, desde corenta metros, que despexou a córner Anxo. Á saída deste, sería Gabri Palmás quen interceptaría o golpeo de Antón Concheiro.

Sería tras este aviso dos locais cando os nosos verían porta. Roubaron o balón no centro do campo, Mon recibiu con espazos e puxo o balón, en perfectas condicións, ás costas da defensa para que Miki, gañando o duelo en velocidade, realizase unha preciosa vaselina que superou a Diego García e que se coou suavemente nas mallas.

Despois do tanto, o partido baixou unha marcha e os nosos souberon levalo con tranquilidade ata o intermedio. Á volta dos mesmos, e tras unha saída fulgurante dos branquiazuis, hoxe de amarelo por primeira vez, caía o segundo da tarde.

Saro roubou no borde da área, conectou con Mon e tras unha dobre parede, entre este e Rodri, o dianteiro berciano soltou un zurdazo raso que se coou pegado á cepa do poste.

A pesar da vantaxe, seis minutos máis tarde, no 59, o Ourense meteríase no encontro tras unha pena máxima moi protestada polos santiagueses. Renán colgou o balón ao segundo pau e o colexiado sinalou unha caída dos ourensanistas. O propia mediapunta brasileiro sería o encargado de executar a pena máxima e anotala, cun zurdazo que superou a Anxo por centímetros.

O gol espoleou aínda máis aos locais e nunha nova poutada igualaron o choque. O balón despexado caeu nas costas da defensa compostelanista e Adri Castro, cun zambombazo coa dereita, puxo o esférico na escuadra.

Co empate, os nervios apoderáronse de ambos conxuntos, rompendo o duelo, pero o luminoso xa non se moveu, levando o encontro á prórroga.

Nese tempo extra, o Compos volveuse adiantar rapidamente, aos cinco minutos, grazas a un gol en propia de Germán, quen se introduciu o esférico tralo centro de Gabri Palmás.

Con todo, de novo, o Ourense volveu empatar a contenda. Unha nova falta colgada, tocada no segundo pau, foille á cabeza de Adri Castro, quen marcou de cabeza o seu dobrete. Malia que Pibe enviou un tiro, instantes despois, ao pau, o encontro foise aos penaltis.

Na quenda fatídica, os nosos saíron de novo vencedores. Anxo parou o primeiro e Martín enviou outro arriba, mentres que polos branquiazuis anotaron Rodri Alonso, Álvaro Casas, Samu, Josiño, Miki, Saro e Gabri Palmás. Cos sete acertos, o Compos converteuse en campión autonómico da Copa Federación, clasificándose para a fase nacional.

FICHA TÉCNICA:

3 (6)- Ouurense CF: Diego García; Willian, Juanma, Sergio, Germán, Rubén (Iker Revuelta m.83); Pedro Delgado (Portela, m.66), Antón Concheiro (Pibe, m.46), Renán; Adri Castro e Martín Lamelas.

3 (7)- SD Compostela: Anxo Pérez; Miki, Saro, Álvaro Casas, Queiruga, Brais Abelenda; Baleato, Mon (Samu, m.67), Pablo Antas (Josiño, m.86); Gabri Palmás e Rodri Alonso.

Goles: 0-1: Miki, min.20; 0-2: Rodri Alonso, min.52; 1-2: Renán (p.), min.59; 2-2: Adri Castro, min.72; 2-3: Germán p.p, min.95; 3-3: Adri Castro, min.107. Penaltis: 0-1: Rodri; 1-1: Renán; 1-2: Álvaro Casas; 2-2: Adri Castro; 3-2: Diego García; 3-3: Miki; 4-3: Sergio; 4-4: Josiño; 5-4: Iker Revolta; 5-5: Samu; 6-5: Portela; 6-6: Saro; 6-7: Gabri Palmás.

Árbitro: García Lesta (Pontevedra). Amoestou a Renán, Pedro Delgado, Pibe, Germán e Iker Revuelta, polos locais; e a Álvaro Casas, Pablo Antas e Josiño, polo Compos.

Incidencias: Campo de Baltar (Portonovo). Final da Fase Autonómica de Copa RFEF disputada ante 450 espectadores.

Celebración do gol de Rodri. Foto: Amadeo Rey.
Celebración do gol de Rodri. Foto: Amadeo Rey.

Youtube

Instagram Compos

Flickr Amadeo Rey

  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1

Instagram Canteira

Twitter Canteira

Facebook

4 hours ago

SD Compostela
⌚️ Abril comezará cun derbi para os nosos en terras viguesas ⚽️ X30🆚 CORUXO F.C. 🗓️ 07.04.24⏰ 12.00🏟️ O Vao#CoruxoCompos ... See MoreSee Less
Ver en Facebook

1 day ago

SD Compostela
🎙️ 𝐑𝐝𝐏 | Antón Permuy e Samu🗣️ O adestrador e capitán da SD Compostela analizaron o momento do equipo e o duelo ante o CD Guijuelo do domingo📸 Acompañounos Mónica Pereiro, da Clínica & akt, patrocinadora do encontro#ComposGuijuelo ... See MoreSee Less
Ver en Facebook

2 days ago

SD Compostela
🤝 Roque e Escoruela tiveron a pasada semana un encontro con 220 alumnos do CPI Colexio Nosa Señora do Rosario de Arzúa🩵🤍 Na visita, enmarcada nas actividades de promoción do deporte do noso patrocinador Proxecto Touro - Cobre San Rafael, entregaron invitacións para o duelo contra o CD Guijuelo e tiveron unha entretida charla cos cativos#composguijuelo ... See MoreSee Less
Ver en Facebook

2 days ago

SD Compostela
𝐏𝐀𝐑𝐓𝐄 𝐌É𝐃𝐈𝐂𝐎 👉 Euse foi operado onte da súa rotura do ligamento cruzado anterior do xeonllo dereito💪 Moito ánimo, Euse! Volverás máis forte, estamos seguros! Un día menos para volver! ... See MoreSee Less
Ver en Facebook

3 days ago

SD Compostela
Hoxe está de aniversario Juampa 🩵🤍🎂 Moitos parabéns! Oxalá que veña acompañado este domingo desa vitoria tan necesaria que todos estamos desexando! 🙌 ... See MoreSee Less
Ver en Facebook

All contents © copyright SD Compostela. All rights reserved.