Cinco sesións para comezar o camiño

  • Os xogadores están citados en dous grupos para o luns, unificándoos a partir do martes

Santiago de Compostela, a 29 de Agosto de 2020.

A volta ao traballo da SD Compostela 20/21 virá marcada por unha primeira semana na que os nosos realizarán cinco sesións. Os dezanove xogadores do primeiro plantel e os sete canteiráns están citados para a matinal do luns, día no que arrincará o camiño dos nosos pola Segunda División B.

O primeiro adestramento terá un matiz especial, posto que o plantel estará dividido en dous grupos. En primeiro lugar, ás 10.00 horas, están citados Borja Rey, Iker Caballero, Saro, Yosi, Sergio Pereira, Samu, Pablo Antas, Manu Rivas, Hugo Sanmartín, Josiño, Óscar Remuiñán, Miki, Gabri Palmás e Primo. Mentres tanto, ás 11.15, os que saltarán ao céspede serán Pato, Roque, Álvaro Casas, Soto, Jimmy, Joel, Baleato, Axel Sánchez, Bicho, Juampa, Brais Abelenda e Christian.

Tras esta primeira toma de contacto, a partir do martes xa estarán todos os futbolistas ao dispor do corpo técnico dirixido por Yago Iglesias. Así, todo o plantel adestrará por primeira vez en conxunto o martes 1 de setembro, nunha sesión que está programada para as 10.00 horas.

O mércores tocará xornada de descanso, para acabar a semana con tres citas: xoves, venres e sábado. Na última delas, a sesión arrincará ás 10.15 horas.

Compartir en Redes Sociales

Relacionado