Boiro, Somozas e Coruxo primeiros rivais de pretemporada confirmados

A SD Compostela xa coñece aos seus primeiros rivais nos partidos de preparación para a nova tempada. Boiro, Coruxo e Somozas son os equipos confirmados para os amigables estivais.

O primeiro en enfrontarse a este novo Compos será o Boiro, recentemente ascendido a Segunda División B, e que conta nas súas filas con vellos coñecidos da afección compostelá como Jimmy, Catú, Pato Guillén, Manu Rodríguez ou o seu técnico, Fredi.

O enfrontamento estará enmarcado dentro do III Trofeo Concello de Boqueixón e terá lugar o domingo 24 de xullo ás 19:30 no campo de Camporrapado.

Pola súa banda, os encontros contra o Somozas e o Coruxo, tamén de Segunda División B, produciranse no Triangular de Praíña Sp. C, que se celebrará o sábado 30 de xullo no Campo de Reis, en Pontevea, onde disputa os seus partidos o equipo local, o Praíña Sporting Club. Ambos encontros serán dirixidos por árbitro e xuíces de liña de Terceira división.

O Coruxo será o rival a bater, xa que é o último campión do torneo celebrado en Pontevea, despois de que se impuxese o ano pasado a Ordes e Estradense.

Compartir en Redes Sociales

Relacionado