Arrinca a Campaña de Abonos para a Segunda Volta cos mesmos prezos

  • Entran os dous próximos encontros no Vero Boquete, contra o Choco e Arenteiro

Santiago de Compostela, a 17 de Decembro de 2019.

Xa está en marcha a campaña de abonos da Segunda Volta da SD Compostela. Desde este 17 de decembro, os interesados poderán abonarse para a segunda parte do campionato, cuns prezos que oscilan entre os 50 euros de Tribuna e a gratuidade para os menores de idade. Ademais, como premio, os que o fagan nas próximas xornadas, terán xa a posibilidade de acceder co mesmo aos dous próximos encontros no Estadio Verónica Boquete de San Lázaro, ante o CD Choco e o CD Arenteiro.

Resumo dos prezos:

Tribuna: 50 euros

Xubilados e parados de longa duración: 40 euros

USC e menores de 30 anos: 35 euros

Menores de idade: Gratis

Por tanto, mantéñense os prezos do ano pasado e as vantaxes, en canto aos grupos, da campaña desta tempada (aumento do desconto ata os 30 anos). En canto á reserva de asento, esta tamén se mantén a 5 euros, para aqueles que renoven o seu abono, mentres que o prezo ascende a 10 euros para as novas altas. Do mesmo xeito, os abonados e abonadas que aínda non fixeran efectiva esta opción na primeira volta téñena á súa disposición aos mesmos prezos.

Para realizar o abono, os interesados e interesadas poderán facelo de maneira presencial nas oficinas do club, no Estadio Verónica Boquete de San Lázaro, de luns a venres de 10.00 a 13.00 horas e de 16.00 a 20.00 horas, ou online no apartado ‘Abónate’ da web oficial (www.sdcompostela.com/portal-de-socios/abonate/).

Compartir en Redes Sociales

Relacionado