Apelación ao civismo para seguir o Playoff Exprés

  • Queremos sentir o voso apoio a través das redes sociais desde unha contorna segura
  • Todos debemos respectar as medidas de seguridade decretadas polas autoridades

Santiago de Compostela, a 17 de Xullo de 2020.

Xa está aquí. Por fin chegou a data que todos levamos agardando desde hai meses: mañá enfrontarémonos ao CD Barco por unha praza na final para o ascenso. Con todo, non podemos esquecer de onde vimos. Aínda que aos poucos imos recuperando a actividade nesta “nova normalidade”, debemos ser moi coidadosos para evitar calquera rebrote.

Por todo iso, a SD Compostela apela ao civismo para seguir este desexado Playoff Exprés. Xa que o encontro se disputará a porta pechada, queremos sentir o voso apoio a través das redes sociais. Un agarimo que queremos que chegue desde unha contorna segura, no que se cumpran todas as medidas de seguridade, polo que debería evitarse a viaxe a Vigo.

Así, evite ao máximo as aglomeracións, respecte o distanciamento social e non se esqueza de usar a máscara (do Compostela!).

Compartir en Redes Sociales

Relacionado