Álvaro Casas, primeiro peregrino para o camiño á Segunda B

Renovación-Casas

  • O capitán renova por un ano máis o seu compromiso co Compos

Santiago de Compostela, a 4 de Xuño de 2019.

A SD Compostela 2019/20 xa ten ao seu primeiro peregrino para o seu camiño á Segunda División B. O capitán Álvaro Casas Rancaño, un dos buques insignias do proxecto, renovou o seu compromiso co club branquiazul, co que cumprirá a súa terceira tempada.

De Santiago e con 25 anos, Casas cumpre á perfección os valores do compromiso compostelanista: un xogador novo, da casa e cunha enorme proxección no fútbol. Ademais, representa un dos alicerces fundamentais destes dous últimos cursos, nos que foi dos futbolistas máis utilizados por Yago Iglesias, superando os 3.000 minutos en ambos anos, sumando as súas intervencións en Copa Deputación, Copa do Rey, Terceira División e Playoff de Ascenso.

O segundo capitán do plantel acumula xa setenta e cinco encontros coa elástica branquiazul, nos que se asentou no eixo da zaga. A maiores, nesta última campaña marcou os seus dous primeiros tantos co Compos, na xornada 5 na visita ao Paiosaco e na 10 ante o Porriño Industrial.

Compartir en Redes Sociales

Relacionado