A SD participará no Triangular de “Vila da Estrada”

Santiago de Compostela, a 11 de Xullo de 2016.

O próximo 13 de agosto, a SD Compostela participará no torneo “Vila da Estrada” no campo Novo Municipal da Estrada, no propio municipio pontevedrés. Será dentro dunha competición que disputarán o Estradense, da Preferente Autonómica Sur e organizador do torneo, o Vilalonga, recentemente ascendido á Terceira División, e o Compos.

O campionato desenvolverase cun formato triangular, no que os equipos participantes enfrontaranse entre eles con partidos de 45 minutos.

O torneo comezará cun Vilalonga-Estradense, ás 19:00. Despois, ás 20:00, será o Compos o que se enfronte ao Vilalonga. Por último, pecharase a competición, ás 21:00, co partido entre a SD Compostela e o equipo local, o Estradense, que contará coa vantaxe de ter unha hora de descanso entre os dous encontros.

Compartir en Redes Sociales

Relacionado