-
Triunfos tamén do Infantil B, os dous alevíns e benxamíns e do Prebenxamín B
Santiago de Compostela, a 18 de Marzo de 2019.
O Cadete A de a SD Compostela segue a ritmo de récord. Os branquiazuis sumaron unha nova vitoria e levan xa 79 puntos, cedendo só un empate no que vai de liga. Ao triunfo típico deste conxunto, sumáronse os do Infantil B, ambos alevíns e benxamíns e, por último, o líder Prebenxamín B.
En primeiro lugar, o Zona Vella estivo a piques de romper coa súa dinámica, pero cedeu dous puntos a falta de dez minutos para o final. Ezequiel Fernández adiantou ao filial nos últimos compases do primeiro tempo, pero o Club Lamela igualou no 79, polo que mantén a súa renda na táboa.
Tamén empatou o Xuvenil A, despois de remontar un 0-2 en contra ante o Victoria CF. Os coruñeses levaron o encontro ao seu terreo e parecía que levarían o triunfo, pero Yago Torrente e Jose Claro nivelaron a contenda nun gran rus final. Por contra, o Xuvenil B non tivo tanta sorte e perdeu por 5-1 co Bertamiráns, líder da clasificación. Jaime Taboada anotou o tanto da honra para os santiagueses.
A ritmo de récord e camiño da liga Galega marcha un Cadete A que sumou unha nova vitoria e van vinte e seis. Pablo Otero e Hugo Pérez, no primeiro acto, e Hugo Martínez, Manuel Crespo, Iker Carril, e de novo, Hugo Pérez, no segundo, pecharon o 6-0 final ante o Ulla Pontecesures. Á súa vez, o Cadete B logrou un meritorio empate 1-1, o terceiro da xornada para a base, ante o Victoria FC, primeiro clasificado. Zubo Yang puxo en vantaxe aos nosos, pero os locais responderon cun tanto no último minuto do encontro.
Baixando de categoría, o Infantil A perdeu pola mínima, 0-1, contra o Amio SD polo que segue duodécimo na táboa. Mentres tanto, idéntico resultado, pero ao seu favor, logrouno o Infantil B ante o Cire Melide, co que iguala na liga. Óscar García marcou no minuto 2 e o luminoso xa non se moveu.
En fútbol 8, o Alevín A mantén a súa segunda posición ao superar 2-1 ao Amio SD, mentres que o Alevín B gañou 1-5 ao Victoria FC. Este dobrete estendeuse tamén á seguinte categoría e cos mesmo rivais. O Benxamín A superou ao Amio SD para seguir de líder no seu playoff, mentres que o Benxamín B fixo o propio co Victoria FC.
Por último, o Prebenxamín A caeu ante o Bertamiráns, resultado que contrarresta co triunfo do Prebenxamín B, líder do seu playoff, ante o mesmo rival. E o Biberón, esta vez, caeu ante o Amio, conxunto que o adianta na táboa.
