Información para o derbi contra o Racing de Ferrol

Imaxe do equipo e a afección no Estadio da Malata.

Imaxe do equipo e a afección no Estadio da Malata.

  • O prezo para abonados será de 5€, gratis para os menores de idade

  • As entradas anticipadas habilitaranse mañá nas oficinas do club a 12€

  • A afección visitante estará situada na bancada de preferencia do Vero Boquete

Santiago de Compostela, a 20 de Febreiro de 2019.

A SD Compostela xogará contra o Racing Club de Ferrol S.A.D., próximo partido como local, o domingo 10 de marzo ás 17.00 horas. O encontro correspondente á xornada 27 de liga do grupo 1 da Terceira División que se xogará no Estadio Vero Boquete de San Lázaro, debido ás circunstancias do mesmo, contará cun dispositivo especial, tanto para a venda de entradas como no relativo á seguridade.

Respecto ás entradas, habilítase a venda das mesmas a partir de mañá 21 de febreiro nas oficinas do club. Todos aqueles interesados poderán pasarse de luns a venres, de 10.00 a 13.00 horas e de 16.00 a 20.00 horas, ata o vindeiro venres 8 de marzo, último día para conseguir as vantaxes da compra anticipada. O domingo 10, os afeccionados do Compos contarán coa taquilla habitual e as súas entradas só serán para a bancada de tribuna.

Para este encontro, os abonados e abonadas maiores de idade deberán pagar 5€, tanto por compra anticipada como na taquilla o día de partido. No caso dos adultos, para acceder ao Estadio Vero Boquete deberán presentar tanto a entrada como o seu abono. Pola súa banda, os menores terán a entrada de balde e só deberán ensinar o seu abono na porta de acceso.

Para os non abonados maiores de 18 anos, a entrada anticipada custará 12€, mentres que o día de partido será a 15€. Igualmente, neste caso, os menores de idade tampouco pagarán, polo que só deberán retirar unha invitación, ben nas oficinas do club ou ben na taquilla o propio día do partido.

Información afección visitante

Todos os afeccionados e afeccionadas que viaxen desde Ferrol accederán á bancada de preferencia, polo que o día de partido habilitarase unha taquilla por este lado do campo. O prezo das entradas será o mesmo que o dos non abonados, 12€ anticipada e 15€ en taquilla.

Por último, indicar que o partido non será televisado.

Cartel-vs-Racing-Club-de-Ferrol

Compartir en Redes Sociales

Relacionado