Ao Compos vaille a marcha e quere que comece a festa

18 de Maio de 2018

[cs_video column_size=”1/1″ video_url=”https://youtu.be/_HOQ4CwqlWc” video_width=”500″ video_height=”250″][/cs_video]

  • A SD Compostela encara xa o partido de ida da eliminatoria de campións contra o RCD Espanyol B.

  • Yago quere un San Lázaro a rebentar para comezar gañando o partido

Santiago de Compostela, a 18 de maio de 2018.

A SD Compostela está preparada para a primeira gran cita. A falta dun adestramento, os branquiazuis esperan xa o duelo do domingo ás 17.30 horas contra o RCD Espanyol B. Será un choque de trens durante 90 minutos, no que ambos os equipos tentarán sacar o mellor resultado posible para a volta na Cidade Deportiva Dani Jarque.

Para este primeiro encontro, o equipo espera que a afección sexa un factor determinante de cara ao marcador final. San Lázaro lucirá as mellores galas da tempada e corpo técnico e xogadores esperan que o seu ánimo se note nesta eliminatoria.

“A afección ten que animar, temos en fronte un rival cun potencial enorme e teñen que ser o xogador número 12, é fundamental”, sinalou Yago Iglesias en rolda de prensa. Ademais, engadiu que espera que “San Lázaro e Santiago estea a rebentar, o equipo necesítao, gañoullo e a xente que veña que anime os 90 minutos, porque enfronte temos un conxunto con moito potencial e se a xente apláudeche, cando acertas ou fallas, iso lévache polo aire”. O equipo e corpo técnico, vendo as pancartas pola cidade e a venda de entradas, están moi ilusionados e confían en comezar gañando, vendo como está a bancada do fortín santiagués.

Ata que chegue ese momento de saltar ao campo, os xogadores estarán ansiosos por facelo, xa que como indicou Yago “levamos todo o ano preparando este momento e esta semana xa se cheirou e se vivenciou as ganas nun aire distinto nos adestramentos, polo ritmo, a forma, as caras…”

A sensación do grupo é de ilusión e confianza, o equipo, di o adestrador, está máis enchufado que nunca. “Cambiamos o tipo de tarefas, a duración do adestramento, non metemos moita cousa nova, pero estamos todos moi metidos para o partido”, comentou.

A implicación é tal que todos coñecen moi a fondo ao rival, en base aos detalles que lles adiantaron desde o corpo técnico. “Vimos doce partidos, teñen un once definido, e neses duelos houbo once que os esperaron atrás e un que non”, analizou o técnico e engadiu que “son xogadores que teñen moita mobilidade, que lles gusta ter a pelota e que polas súas declaracións dáballes igual o rival con tal de ter un campo grande para xogar”.

Con todo, o equipo “sabe do seu potencial, a nivel individual e colectivo, pero despois de estudalos podemos dicir que somos dous conxuntos moi parellos, similares no fútbol que propomos, no protagonismo do balón e mesmo na forma de chegar á portaría rival”. A clave está, segundo Yago, en “sacar rendemento do que fan tan ben e que eles non potencien o que fan moi ben”.

“Todos falan de que é o coco, de que practicamente non temos ningunha posibilidade e non é así. Expomos este reto, queremos superarnos a nós mesmos e, con humildade, leste é un premio para nós, a cidade, a afección”, argumentou o ribeirense.

Como dixo Yago, “vainos a marcha, somos novos e queremos que chegue o domingo para saír da zona de confort, porque fomos os mellores de Galicia e agora queremos medirnos contra o mellor do mellor de España”.

Polo estudado, o técnico avisou de que será un partido “moi bonito de ver para o espectador, que oxalá nos vaia polos camiños que queremos e confianza plena, iso é o que queremos transmitir, porque co noso aceno de identidade queremos mostrar que somos capaces de superar a un gran equipo e que estamos preparados para a Segunda B”. Ademais, cre que será un encontro de tenteo, como é habitual nos playoffs.

A clave pasa por “non facer algo extraordinario, senón facer extraordinariamente ben o que habemos feitos durante toda a tempada”, sentenciou Yago. Con iso e co xogador número 12 na bancada, o equipo confía en sacar adiante este primeiro partido da eliminatoria, no que o único xogador descartado é Santi Gegunde.

O domingo San Lázaro ten que ser un fortín para que os nosos saquen adiante estes primeiros 90 minutos. O once que xoguen de inicio e os que entren despois necesitan ese agarimo e apoio do público para superar este gran reto. As cartas xa están botadas, agora que comece a festa.

Youtube

Instagram Compos

Flickr Amadeo Rey

  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1

Instagram Canteira

Twitter Canteira

Facebook

9 hours ago

SD Compostela
⌚️ Abril comezará cun derbi para os nosos en terras viguesas ⚽️ X30🆚 CORUXO F.C. 🗓️ 07.04.24⏰ 12.00🏟️ O Vao#CoruxoCompos ... See MoreSee Less
Ver en Facebook

1 day ago

SD Compostela
🎙️ 𝐑𝐝𝐏 | Antón Permuy e Samu🗣️ O adestrador e capitán da SD Compostela analizaron o momento do equipo e o duelo ante o CD Guijuelo do domingo📸 Acompañounos Mónica Pereiro, da Clínica & akt, patrocinadora do encontro#ComposGuijuelo ... See MoreSee Less
Ver en Facebook

2 days ago

SD Compostela
🤝 Roque e Escoruela tiveron a pasada semana un encontro con 220 alumnos do CPI Colexio Nosa Señora do Rosario de Arzúa🩵🤍 Na visita, enmarcada nas actividades de promoción do deporte do noso patrocinador Proxecto Touro - Cobre San Rafael, entregaron invitacións para o duelo contra o CD Guijuelo e tiveron unha entretida charla cos cativos#composguijuelo ... See MoreSee Less
Ver en Facebook

2 days ago

SD Compostela
𝐏𝐀𝐑𝐓𝐄 𝐌É𝐃𝐈𝐂𝐎 👉 Euse foi operado onte da súa rotura do ligamento cruzado anterior do xeonllo dereito💪 Moito ánimo, Euse! Volverás máis forte, estamos seguros! Un día menos para volver! ... See MoreSee Less
Ver en Facebook

3 days ago

SD Compostela
Hoxe está de aniversario Juampa 🩵🤍🎂 Moitos parabéns! Oxalá que veña acompañado este domingo desa vitoria tan necesaria que todos estamos desexando! 🙌 ... See MoreSee Less
Ver en Facebook

All contents © copyright SD Compostela. All rights reserved.